Foomu Kanititeiti Faifekau

PAU 'O E IKUNA
1 Kolinito 10:13
“Kuo te‘eki ke mo‘ua kimoutolu ‘e ha fa‘ahinga ‘ahi‘ahi ‘oku ta‘ehoa mo e tangata; pea ko e ‘Otua ko e toko taha ‘oku fai ki he‘ene lea, pea ‘e ‘ikai te ne fakangofua ke ‘ahi‘ahi‘i kimoutolu ‘o makehe atu ‘i ho‘omou mafai; kae kehe, te ne ngaohi fakataha mo e ‘ahi‘ahi hono hao‘anga foki mei ai, koe‘uhi ke lava hono kataki‘i.”
1 Kolinito 10:13
PAU 'O E FAKAMO'UÍ
1 Sione 5:11-12
Pea ko eni ia ‘a e fakamo’oni: kuo foaki ‘e he ‘Otua kiate kitautolu ‘a e mo’ui a’engata, pea ko e mo’ui ko ia ‘oku tu’u ‘i hono ‘Alo; ko ia ‘oku ne ma’u ‘a e ‘Alo ‘oku ne ma’u ‘a e mo’ui; ko ia ‘oku ‘ikai te ne ma’u ‘a e ‘Alo ‘o e ‘Otua, ‘oku ‘ikai te ne ma’u ‘a e mo’ui.
1 Sione 5:11-12
PAU 'O E FAKAMOLEMOLE ANGAHALA
1 Sione 1:9
“Kapau ‘oku tau vete ‘etau ngaahi angahala, ko ‘ene anga fakamo‘oni tala‘ofa, mo ‘ene anga faitotonu, ‘oku na kau ke ne fakamolemole ‘etau ngaahi angahala, pea ke ne fakama‘a ‘a kitautolu mei he faihala fulipe.”
1 Sione 1:9
PAU 'O 'ENE TATAKI
Palovepi 3:5,6
“Falala ki he ‘Eiki ‘aki ‘a e kotoa ‘o ho loto, ‘o ‘oua e faaki ki ho poto o‘ou: ke ke fakaongo kiate ia ‘i ho hala kotoa pe, pea ‘e fakatonutonu ‘e ia ho ngaahi ‘alunga.”
Palovepi 3:5,6
PAU 'O 'ENE TALI LOTÚ
Sione 16:24
“Te‘eki te mou kole ha me’a ‘e taha ‘i hoku hingoa, ‘o a‘u mai ki he taimi ni. ‘E, mou kole, pea te mou ma‘u koe’uhi ke kakato ho’omou fiefia.”
Sione 16:24

Kau Unga Ngāué

1. Ke ke fai manava-kavakava. ‘Oua na‘a ke nofo noa ‘i ha taimi. ‘Oua na‘a ke ngāue ta‘e ‘aonga. ‘Oua na‘a ke maumau‘i ha taimi, pe te ke li‘aki ia ‘i ho‘o nofo noa pē ‘i ha potu.
2. Ke ke mo‘ui fakama‘uma‘u. Ke ke kaveinga‘aki ‘a e mā‘oni‘oni ki he ‘Eikí. Faka‘ehi‘ehi koe mei he fakavā ta‘e ‘aongá mo e ngaahi lea ta‘e taaú
3. Ke si‘i ho‘o fa‘a talanoa mo e kakai fefiné, kae ‘uma‘ā mo e kau finemuí ‘a e kau faifekau tangatá, pea ki he kau faifekau fefiné ke si‘i ho‘o fa‘a talanoa mo e kakai tangatá, kae ‘uma‘ā mo e kau talavoú.
4. ‘O ka hokosia ha‘o teu mali, fai mo lotu ki he ‘Eikí, pea fakahā ki he Kau Faifekaú, he ko e me‘a ia ke fai tokanga pea fakakaukau‘i ‘i he loto ‘apasia ki he ‘Otuá.
5. ‘Oua na‘a ke mahalo kovi ki ha taha kae ‘oua ke hā mo‘oni mai hono fakamo‘oní. Vakai ke ‘oua na‘a ke tui ngofua ki ai. Ke ke feinga ke ke mahalo lelei ki he me‘a kotoa pē. Ke ke ‘ilo ‘oku tau pehē, ‘oku kau tokua ‘a e fakamaaú kiate ia ‘oku faingata‘a‘iá.
6. ‘Oua na‘a ke lau‘ikovi‘i ha taha: ‘o ka ke ka fai pehē, ‘e keina koe ‘e ho‘o leá ‘o hangē ko ha kainiloto: fakama‘uma‘u ‘i ho lotó ho‘o laú kae ‘oua ke mo fe‘iloaki mo ia ‘a ia ‘oku kau ki ai ho‘o laú.
7. Tala kiate kinautolu ‘a e me‘a ‘oku ‘iate koe ‘oku nau faihala aí kae fai pē ‘i he ‘ofa pea fai ‘i he totonu pea fai ke vave telia na‘a nofo ia ‘o fakakovi‘i ho loto ‘o‘oú. Fai ke vave ke li‘aki ‘a e fai mei he lotó.
8. ‘Oua na‘a ke fie‘eiki. Ko ia ‘oku malanga‘aki ‘a e Kosipelí ko e tamaio‘eiki ia ki he kakai kotoa pē.
9. ‘Oua na‘a ke mā ‘i ha me‘a, ka ko e angahalá pē. ‘Oku ‘ikai ha kovi ‘i ha ngāue ‘e taha, pe ko e tā fefie, pe ko e ‘utu vai ‘o ka fai mo e loto lelei.
10. Fai ‘a e ngaahi me‘a ‘i hono taimi totonu. Tokanga ki he fai‘anga ‘o e me‘a kotoa pē. Pea ‘oua na‘a ke feinga ke fakatonutonu ‘etau ngaahi tu‘utu‘uní kae fai mo‘oni ki ai ke ‘ata‘atā ho konisēnisí.
11. Ko ho‘o ngāue totonú ke fakamo‘ui ‘a e ngaahi laumālie ‘o e kakaí, ko ia ke ke nima mo e va‘e pea fai fiefia. ‘Alu kiate kinautolu ‘oku masiva fakalaumālié kae fuofua fai kiate kinautolu ‘oku masiva tahá.
12. ‘Oua na‘a ke fai ha me‘a ‘o hangē ko ho loto ‘o‘ou kae fai ‘a e me‘a kotoa pē ke ngali ko e foha koe ‘o e Kosipelí, pea fai fakataha mo ho kaungā lotú. Kapau ko e foha koe, pea tā ‘oku ngali ke ke ngāue‘aki ho taimí ‘o fakatatau mo e ngaahi me‘a kuo tu‘utu‘uní: ‘io, ‘i ho‘o fa‘a malanga mo e ‘a‘ahi ki he kakaí, pea mo e fa‘a lautohi mo e fakalaulauloto pea mo e fa‘a lotu.

Tohi Fakafeangaí

Sāpate TOHI FANONGONONGÓ, ʻOkatopa 13, 2019
Saame 66:1-12
Selemaia 29:1,4-7
2 Timote 2:8-15
Luke 17:11-19
Sāpate ʻEVANGELIOÓ, ʻOkatopa 20, 2019
Saame 119:97-104
Selemaia 31:27-34
2 Timote 3:14-4:5
Luke 18:1-8
Sāpate, ʻOkatopa 27, 2019
Saame 65
Sioeli 2:23-32
2 Timote 4:6-8,16-18
Luke 18:9-14

Jesus, the ONLY way!

"Grace"

Grace is the “the free and unmerited act of God through which we, the fallen creatures are restored to God’s original favour” -- John Wesley.

E-mail
Name

Kanititeiti Faifekau Akoako

Kau Unga Ngāué

Tohi Fakafeangaí

Jesus, the ONLY way!

"Grace"

Quick Links

Subscribe here!