Basic Teachings

Display #

Title	Author	Hits
Tefito'i Akonaki	Web Administrator	3075
Kupu I: Ko e ‘Otua ko e Tamai	Web Administrator	5821
Kupu II: Ko Sisu Kalaisi ko e ‘Alo	Web Administrator	6235
Kupu III: Ko e Laumalie Ma’oni’oni	Web Administrator	7098
Kupu IV: Ko e Tohitapu	Web Administrator	5831
Kupu V: Ko e Siasi	Web Administrator	5234
Kupu VI: Ko e Sakalameniti	Web Administrator	6484
Kupu VII: Ko e Angahala mo e Tau’ataina	Web Administrator	5764
Kupu VIII: Ko e Fakalelei ‘ia Kalaisi	Web Administrator	5283
Kupu IX: Ko e Fakatonuhia mo e Fanau’i Fo’ou	Web Administrator	6337
Kupu X: Ko e Fai Lelei	Web Administrator	5070
Kupu XI: Ko e Fakama’oni’oni mo e Haohaoa FakaKalisitiane	Web Administrator	5719
Kupu XII: Ko e Fakamaau mo e Mo’ui Kaha’u	Web Administrator	4778
Kupu XIII: Ko e Ma’unga Kelesi	Web Administrator	5442
Kupu XIV: Ko e ‘Aho Tapu ‘o e ‘Eiki	Web Administrator	4792
Kupu XV: Ko e Kalisitiane mo e Koloa	Web Administrator	4722
Kupu XVI: Ko e Pule’anga	Web Administrator	5110

Basic Teachings

Kau Malangá

1. Ko e Taha Malangá ko e toko taha ia ‘o e Kau Lotu Fehu‘i kuo fokotu‘u ‘e he Siasí ke ne malanga ‘i he ngaahi Fale Lotú. Pea ke malanga ‘a e Kakai Fefiné foki.
2. ‘Oku ‘i he Faifekaú ke fokotu‘u ha taha ki he Fakataha Faka-Kuata ‘a e Kau Malangá ke Malanga. Te ne tomu‘a Malanga ‘Ahi‘ahi ke ta‘u ‘e taha ... (fakaikiikí, Tohi Konistūtoné)
5. Ko e Kava Mālohi Tapú. ‘Oku tapu ‘a e kava ko iá, pea ‘oku tapu ke fokotu‘u ha taha ke Malanga ‘o ka ‘oku ne ma‘u Kava Mālohi Tapu, tuku kehe kinautolu kuo nau ma‘u tohi fakangofua mei he Toketaá.
9. Ke ngāue‘aki ‘e he kakai fefiné ‘i he‘enau malangá ha kofu hina nima lōloa, kola mo kia a‘u mo ha ta‘ovala lōkeha pe ta‘ovala lelei.
10. Ke ‘atā pē ke ma‘u ‘e he kau pōpulá, lolotonga ‘oku nau kei ngāue pōpula ‘i he ngaahi pilīsoné, ‘a e tu‘unga Malanga ‘Ahi‘ahí. Pea ke ‘atā ke nau malanga ‘i he ngaahi fale lotu ‘o e Siasí ‘o ka loto ki ai mo tali ‘e he ngaahi fale lotu ko iá.
Vakai ki he Tohi Konisitūtoné ki he tu'utu'uni kakató

Kau Unga Ngāué

1. Ke ke fai manava-kavakava. ‘Oua na‘a ke nofo noa ‘i ha taimi. ‘Oua na‘a ke ngāue ta‘e ‘aonga. ‘Oua na‘a ke maumau‘i ha taimi, pe te ke li‘aki ia ‘i ho‘o nofo noa pē ‘i ha potu.
2. Ke ke mo‘ui fakama‘uma‘u. Ke ke kaveinga‘aki ‘a e mā‘oni‘oni ki he ‘Eikí. Faka‘ehi‘ehi koe mei he fakavā ta‘e ‘aongá mo e ngaahi lea ta‘e taaú
3. Ke si‘i ho‘o fa‘a talanoa mo e kakai fefiné, kae ‘uma‘ā mo e kau finemuí ‘a e kau faifekau tangatá, pea ki he kau faifekau fefiné ke si‘i ho‘o fa‘a talanoa mo e kakai tangatá, kae ‘uma‘ā mo e kau talavoú.
4. ‘O ka hokosia ha‘o teu mali, fai mo lotu ki he ‘Eikí, pea fakahā ki he Kau Faifekaú, he ko e me‘a ia ke fai tokanga pea fakakaukau‘i ‘i he loto ‘apasia ki he ‘Otuá.
5. ‘Oua na‘a ke mahalo kovi ki ha taha kae ‘oua ke hā mo‘oni mai hono fakamo‘oní. Vakai ke ‘oua na‘a ke tui ngofua ki ai. Ke ke feinga ke ke mahalo lelei ki he me‘a kotoa pē. Ke ke ‘ilo ‘oku tau pehē, ‘oku kau tokua ‘a e fakamaaú kiate ia ‘oku faingata‘a‘iá.
6. ‘Oua na‘a ke lau‘ikovi‘i ha taha: ‘o ka ke ka fai pehē, ‘e keina koe ‘e ho‘o leá ‘o hangē ko ha kainiloto: fakama‘uma‘u ‘i ho lotó ho‘o laú kae ‘oua ke mo fe‘iloaki mo ia ‘a ia ‘oku kau ki ai ho‘o laú.
7. Tala kiate kinautolu ‘a e me‘a ‘oku ‘iate koe ‘oku nau faihala aí kae fai pē ‘i he ‘ofa pea fai ‘i he totonu pea fai ke vave telia na‘a nofo ia ‘o fakakovi‘i ho loto ‘o‘oú. Fai ke vave ke li‘aki ‘a e fai mei he lotó.
8. ‘Oua na‘a ke fie‘eiki. Ko ia ‘oku malanga‘aki ‘a e Kosipelí ko e tamaio‘eiki ia ki he kakai kotoa pē.
9. ‘Oua na‘a ke mā ‘i ha me‘a, ka ko e angahalá pē. ‘Oku ‘ikai ha kovi ‘i ha ngāue ‘e taha, pe ko e tā fefie, pe ko e ‘utu vai ‘o ka fai mo e loto lelei.
10. Fai ‘a e ngaahi me‘a ‘i hono taimi totonu. Tokanga ki he fai‘anga ‘o e me‘a kotoa pē. Pea ‘oua na‘a ke feinga ke fakatonutonu ‘etau ngaahi tu‘utu‘uní kae fai mo‘oni ki ai ke ‘ata‘atā ho konisēnisí.
11. Ko ho‘o ngāue totonú ke fakamo‘ui ‘a e ngaahi laumālie ‘o e kakaí, ko ia ke ke nima mo e va‘e pea fai fiefia. ‘Alu kiate kinautolu ‘oku masiva fakalaumālié kae fuofua fai kiate kinautolu ‘oku masiva tahá.
12. ‘Oua na‘a ke fai ha me‘a ‘o hangē ko ho loto ‘o‘ou kae fai ‘a e me‘a kotoa pē ke ngali ko e foha koe ‘o e Kosipelí, pea fai fakataha mo ho kaungā lotú. Kapau ko e foha koe, pea tā ‘oku ngali ke ke ngāue‘aki ho taimí ‘o fakatatau mo e ngaahi me‘a kuo tu‘utu‘uní: ‘io, ‘i ho‘o fa‘a malanga mo e ‘a‘ahi ki he kakaí, pea mo e fa‘a lautohi mo e fakalaulauloto pea mo e fa‘a lotu.

Jesus, the ONLY way!

Daily Readings

Lau Folofola Faka'aho

"Grace"

Grace is the “the free and unmerited act of God through which we, the fallen creatures, are restored to God’s original favour” -- John Wesley.